TPL_OFFCANVAS_EMPTY_ERROR

Haberler

ŞAMPİYOÑÑA SIY BERİLDİ

Caññı cılnı allı bla Taşköpür elni klubuna köb adam cıyılğan edi. Klubnu tübü talaçıkda, Kobannı boynunda va, et kazanla kaynay edile. Elni camağatı, tışından çakırılğan konakla da "Coruksuz Tüyüşle" (Karma Savaş Sanatları) degen sportdan duniyanı 3 kere çempionu Acilanı Halitni caşı Rasulğa sıy berirge kelgen edile beri.

Rasul 22 cılı caññı tolğan caş adamdı. Özge sportda cetişimleri barıbıznı da kuvandırırçadıla. Ol, 9 cılından başlab, tutuş bla küreşib keledi. Alğa erkin tutuşdan, ızı bla millet tutuşdan, artda judodan, sambodan köb erişüvlege koşulub, alçı orunlanı alğanlay turadı. Ol Şimal Kavkaz federal bölgeni, Rusyanı, Avrupanı da talay kere şampiyonu bolğandı. Ozub barğan cılda Soçide cumduruk tüyüş sportdan Avrasyanı kubogun alğandı. Anı altın medal bla savğalağan edile. Köb bolmay dağıda Soçi şaharda Çeçen Respublikanı prezidenti Ramzan Kadirovnu öçü üçün barğan erişüvlede da Rasulnu horlağan bolmağandı. Añña 1-çi öç, 500 miñ som da, berilgen edi.

Bu col da caññı cılnı allı bla Yaroslavl oblastnı Pereslavl-Zalesskiy şaharında "Coruksuz Tüyüşleden" Avrupanı kuboguna erişüvle bolğan edile. Arı 27 kraldan (İñilizden, Portugaliyadan, Bolgariyadan, SNG-ni (Bağımsız Devletler Topluluğu) krallarından, dağıda başha cerleden) em küçlüleni da küçlüleri, talay kere çempion atnı alğan sportçu caşla kelgen edile. Ma ol erişüvlede da bizni Rasul, 71 kilogrammda cumduruk tüyüşden küç sınarğa, amal körgüzürge çığıb, Avrupanı çempionu bolğandı. Añña altın medal berilgendi. Dağıda ol erişüvlede trenerleni aythanları bla Rossiyanı sıyın caklar üçün 2-çi kere da küç sınarğa çığadı. Alay bla 75 kilogrammda da horlab, ekinçi altın medalnı aladı. Avurpa daracada 2 kere altın medal alğan caşha, maşalla, deybiz! Ol sözleni Taşköpürçüleden da köble aytadıla.

Elni administratsiyasını tamadası Karalanı Azret, kuvanç cıyılıvnu aça, Rasulnu sportda cetişimlerinden hapar aytdı. Sportçu caşlağa boluşhanlağa da sıy berib söleşdi. Erkin tutuşdan duniyanı, Avrupanı da talay kere şampiyonları, karnaşla Temrezlanı Kurman, Navruz, Tohtar, millet tutuşdan belgili göceble Karalanı Şamil bla Timurlan, cumduruk tüyüşden öçlü orunlanı alğan Süyünbaylanı Rasul bla Raşid, şampiyonla Örtenlanı Arsen bla Munir, Şugarlanı İslam, mahtavlu trenerle Gürcülanı Sagit, Lepşoklanı Abrek, Gatalanı Temirlan elni, respublikanı, Rossiyanı da atların igi bla aytdırıb keledile. Alanı sanları dağıda köb bolluklarına iynanabız.

Rasulnu sıyına atalğan kuvanç cıyıluvda elni afendisi Goçiyalanı Muhammat Haci, elçileden Canteylanı Harşim, Hatuvlanı Boris, Moskovadan advokat Bostanlanı Galina, Rasulnu anası, Rossiyanı Cigiti Gerbeklanı Magometni kızı Fatima, dağıda başhala söleşdile. Taşköpürçü caş "Kamos" korporatsiyanı direktoru Bayramuklanı Rustam, Rasulnu teñi Örtenlanı Munir, anı kayın kızı Çomalanı Elvira Rasulğa igi kesek açha savğa da berdile. Acilanı Rasulnu sport cetişimlerine atalğan bıllay kuvanç cıyılıv 2-çi kere boladı. Birinçi cıyıluvda Karaçay-Çerkesiyanı Prezidenti Ebzelanı Boris anı "Toyota" maşina bla savğalağan edi. Bizni şampiyon caşıbız Acilanı Rasulğa ötgen cıl oğur bolub ozdu. Ol caññı üydegi kurağandı, sportda da ullu cetişimle etgenin aytdık. Mından arı da ol caşavundan, sportdan, işlerinden kuvansın!

* * *

ЧЕМПИОННГА СЫЙ БЕРИЛДИ

Джангы джылны аллы бла Ташкёпюр элни клубуна кёб адам джыйылгъан эди.

Клубну тюбю талачыкъда, Къобанны бойнунда уа, эт къазанла къайнай эдиле. Элни джамагъаты, тышындан чакъырылгъан къонакъла да «Бои без правил» деген спортдан дунияны 3 кере чемпиону Аджиланы Халитни джашы Расулгъа сый берирге келген эдиле бери. Расул 22 джылы джангы толгъан джаш адамды. Ёзге спортда джетишимлери барыбызны да къууандырырчадыла. Ол, 9 джылындан башлаб, тутуш бла кюрешиб келеди. Алгъа эркин тутушдан, ызы бла миллет тутушдан, артда дзюдодан, самбодан кёб эришиулеге къошулуб, алчы орунланы алгъанлай турады. Ол Шимал Кавказ федерал округну, Россияны, Европаны да талай кере чемпиону болгъанды. Озуб баргъан джылда Сочиде джумдурукъ тюйюш спортдан Евразияны кубогун алгъанды. Аны алтын медаль бла саугъалагъан эдиле. Кёб болмай дагъыда Сочи шахарда Чечен Республиканы президенти Рамзан Кадыровну ёчю ючюн баргъан эришиуледе да Расулну хорлагъан болмагъанды. Анга 1-чи ёч, 500 минг сом да, берилген эди.

Бу джол да Джангы джылны аллы бла Ярослав областны Переславль-Залесский шахарында «Бои без правил» тюйюшден Европаны кубогуна эришиуле болгъан эдиле. Ары 27 къралдан (Англиядан, Португалиядан, Болгариядан, СНГ-ны къралларындан, дагъыда башха джерледен)эм кючлюлени да кючлюлери, талай кере чемпион атны алгъан спортчу джашла келген эдиле. Ма ол эришиуледе да бизни Расул, 71 килограммда джумдурукъ тюйюшден кюч сынаргъа, амал кёргюзюрге чыгъыб, Европаны чемпиону болгъанды. Анга алтын медаль берилгенди. Дагъыда ол эришиуледе тренерлени айтханлары бла Россияны сыйын джакълар ючюн 2-чи кере да кюч сынаргъа чыгъады. Алай бла 75 килограммда да хорлаб, экинчи алтын медалны алады. Европа дараджада 2 кере алтын медаль алгъан джашха, машалла, дейбиз! Ол сёзлени ташкёпюрчюледен да кёбле айтадыла.

Элни администрациясыны тамадасы Къараланы Азрет, къууанч джыйылыуну ача, Расулну спортда джетишимлеринден хапар айтды. Спортчу джашлагъа болушханлагъа да сый бериб сёлешди. Эркин тутушдан дунияны, Европаны да талай кере чемпионлары, къарнашла Темрезланы Къурман, Науруз, Тохтар, миллет тутушдан белгили гёджебле Къараланы Шамил бла Тимурлан, джумдурукъ тюйюшден ёчлю орунланы алгъан Сюйюнбайланы Расул бла Рашид, чемпионла Ёртенланы Арсен бла Мунир, Шунгарланы Ислам, махтаулу тренерле Гюрджюланы Сагит, Лепшокъланы Абрек, Гаталаны Темирлан элни, республиканы, Россияны да атларын иги бла айтдырыб келедиле. Аланы санлары дагъыда кёб боллукъларына ийнанабыз.

Расулну сыйына аталгъан къууанч джыйылыуда элни афендиси Гочияланы Мухаммат хаджи, элчиледен Джантейланы Харшим, Хатуланы Борис, Москвадан адвокат Бостанланы Галина, Расулну анасы, Россияны Джигити Гербекланы Магометни къызы Фатима, дагъыда башхала сёлешдиле. Ташкёпюрчю джаш «Камос» корпорацияны директору Байрамукъланы Рустам, Расулну тенги Ёртенланы Мунир, аны къайын къызы Чомаланы Эльвира Расулгъа иги кесек ачха саугъа да бердиле. Аджиланы Расулну спорт джетишимлерине аталгъан быллай къууанч джыйылыу 2-чи кере болады. Биринчи джыйылыуда КъЧР-ни Президенти Эбзеланы Борис аны «Тойота» машина бла саугъалагъан эди. Бизни чемпион джашыбыз Аджиланы Расулгъа ётген огъур джыл болуб озду. Ол джангы юйдеги къурагъанды, спортда да уллу джетишимле этгенин айтдыкъ. Мындан ары да ол джашауундан, спортдан, ишлеринден къууансын!


Karaçay Gazete, www.karachays.com

kamatur.org

Karaçay Malkar Türkiye

Köşe Yazıları

ATA CURTUBUZNU SATIB…
Malkar halkga bügün tüşgen korkuvnu caññız stalinçi coruk cetdirgen sürgün bla teñleşdirirge bollukdu. Alay a,…
AYDINLARIBIZGA - İNTELLİGENTSİYABIZGA…
Ömürleni uzagına – taşa da, turu da – Karaçay-Malkar halkga karşçı kazavat barıb turgandı. Bügün…
BAŞHÜYÜK
Başhüyük elni 100 cıllıgı bla algışlayma. Bu nazmunu da ol kuvançha atayma. Başhüyük elçileni barına…
BAŞHÜYÜKNÜ TARİHİNDE ÜLÜŞÜ…
Duniyanı başında, türlü türlü şartları bla, tuvgan emda caşagan ellerini tarihinde ızın koygan, ülüşü bolgan…

Login