Off Canvas sidebar is empty

Haberler

GÖKÇEYAYLA, KARAÇAY-MALKAR FESTİVAL - 2010

Eski atı “Orhaniye”, cangı atı “Gökçeyayla” ne da Karaçaylıla aythança “Kilisa” elni, 1905 cılda Karaçaynı Ogarı Teberdi degen elinden köçüp kelgen Karaçaylıla kuragandıla. Gökçeyayla el kuralğan zamanda elde 150 üyür bolgandı. Elde Aciları, Sılpagarları, Bolurları, Korkmazları, Batçaları, Tekeları, Bayçoraları, Semenları, Bayramkulları, Bayramukları, Bekirları, dagıda başga köb tukumla caşağandıla. Bügünlükde va elde bek az adam caşaydı, elni adamlarını aslamı Bolvadin degen şaharga köçgendile.

Gökçeyayla el, çegetni içinde ornalganı sebebden, hükümet çegetleni koruvlagan sıltavla, Gökçeyayla elni adamların 1960-ınçı cıldan başlab Bolvadin degen şaharga köçürüb tebregendi. 1970-çi cıllanı ahırında Gökçeyayla elni adamlarını aslamı Bolvadinge köçüb boşagandı. Bügünlükde Bolvadin şaharda Karaçaylılanı sanı 150 üyden aslamdı.


* * *

Har cıl sayın etilgen Karaçay-Malkar festival, bu cıl Gökçeyayla elde etildi. Festivalni kuragan, Bolvadinni Karaçay dernegi edi. Kalgan dernekle da anga boluşhan etdile. Festivalge köb adam cıyılgan edi. Allında; başçıla, tamadala söleşdile. Caşla, kızla, nazmula okudula. Eskişahar Karaçay-Malkar dernekni tepsev cıyını, alayda cıyılgan halkga kesi ustalıkların körgüzdüle. Caşla, kozbörknü alır üçün, cavlu cipge örledile. Dagıda caşlanı bir kavumu kol taş bla karuvların sınadıla. İgi kesek zamannı birbirin körmey turgan köb adam, festivalde birbirine tübegeni sebebli, bek kuvanıb iynak-kuçak boldula. Kertisi bla da, bıllay cıyıluvlaga kelgen adamlanı aslamı bu sebebden kelgenlerin bildirdile. Festivalni ahırında, caşla bla kızla toy kuradıla, tepsedile. Anı bla festival boşaldı.


FESTİVAL VİDEOSU

 

FESTİVAL FOTOĞRAFLARI (MEDİNE SAĞDIÇ)

kamatur.org

Karaçay Malkar Türkiye

Login

{loadmoduleid ? string:? string:? string:? string:? string:? string:? string:? string:? string:? string:261 ? ? ? ? ? ? ? ? ? ?}